ଛତିଶଗଡରେ ବୋରୱେଲ ଗାତକୁ ଖସି ପଡିଥିବା ଦିବ୍ୟାଙ୍ଗ ବାଳକ ରାହୁଲ ସାହୁକୁ ଉଦ୍ଧାର କରାଯିବା ପରେ ବିଲାସପୁର ଆପୋଲୋ ହସ୍ପିଟାଲରେ ଭର୍ତ୍ତି କରା ଯାଇଥିଲା । ସେଠାରେ ଏକ ସ୍ଵତନ୍ତ୍ର ଡାକ୍ତରୀ ଦଳ ସହାୟତାରେ ୧୦ ଦିନ ଧରି ତା’ର ଚିକିତ୍ସା ହେବା ପରେ ଆଜି ଘରକୁ ଫେରିଛି ରାହୁଲ । ସେ ସଂପୂର୍ଣ୍ଣ ସୁସ୍ଥ ହୋଇଯାଇଛି ଓ ହସ୍ପିଟାଲ ଆଜି ତାଙ୍କୁ ଡିସଚାର୍ଜ ଦେଇଛି । ଫେରିବା ବେଳେ ସମସ୍ତଙ୍କୁ ବାଏ କହିଥିଲା ରାହୁଲ । ତେବେ ରାହୁଲଙ୍କ ଗ୍ରାମବାସୀ ରାହୁଲ ସୁସ୍ଥ ହୋଇ ଫେରିବା ଖୁସିରେ ବଡ ଆୟୋଜନ କରିଛନ୍ତି ।
ରାହୁଲକୁ ସ୍ଵାଗତ ଜଣାଇବା ପାଇଁ ଗାଁ ଲୋକେ ପ୍ରୋଶେସନର ବନ୍ଦୋବସ୍ତ କରିଥିବା ଦେଖିବାକୁ ମିଳିଛି । ହସ୍ପିଟାଲରୁ ରାହୁଲ କାର୍ ଯୋଗେ ଘରକୁ ଫେରିଥିଲା । ଗ୍ରାମରେ ପହଞ୍ଚିବା ପୂର୍ବରୁ ଗାଁ ମୁଣ୍ଡରେ ତ’ ପାଇଁ ସୁସଜ୍ଜିତ ରଥର ଆୟୋଜନ କରିଥିଲେ ଗ୍ରାମବାସୀ । ଯେଉଁଥିରେ ରାହୁଲ ଓ ତା’ ପରିବାର ଲୋକଙ୍କୁ ବସେଇ ନିଆଯାଇଛି । କେବଳ ସେତିକି ନୁହେଁ ବରଂ ରାହୁଲକୁ ନିଆ ଯାଉଥିବା ରଥ ଆଗରେ ଡିଜେ ବାଜୁଛି ଓ ପଛେ ପଛେ ଯାଉଛି ରାହୁଲ ।
ରାହୁଲ ଫେରିବା ଖୁସିର ନାମ ସଙ୍କୀର୍ତ୍ତନ ମଧ୍ୟ ଚାଲିଛି । ରଥରେ ଘୋଡାରେ ବସି ରାହୁଲ ହଲି ହଲି ଖୁସି ହୋଇ ଘରକୁ ଫେରୁଛି । ଗାଡିରେ ବସିଥିବ ବେଳେ ରାହୁଲ ହାତ ଯୋଡିଥିବା ମଧ୍ୟ ଦେଖିବାକୁ ମିଳିଛି । ରାହୁଲ ବୋରୱେଲ ଗାତକୁ ଖସି ପଡିବା ସହ ସେଠାରେ ୫ ଦିନ ପର୍ଯ୍ୟନ୍ତ ସେମିତି ରହିଥିଲା । ତା’ର ଉଦ୍ଧାର କାର୍ଯ୍ୟ ସମାପ୍ତ ହେବା ପାଇଁ ପୁରା ୧୦୫ ଘଣ୍ଟା ସମୟ ଲାଗି ଯାଇଥିଲା ।
୫ ଦିନ ଧରି ନଖାଇ ନପିଇ ବୋରୱେଲ ଗାକୁ ଖସି ପଡିଥିବା ରାହୁଲ ସତରେ ନୂଆ ଜୀବନ ପାଇଛି । କାରଣ ତାକୁ ଉଦ୍ଧାର କରିବା ଏତେ ସହଜ ନଥିଲା । ପ୍ରତି ମୂହୁର୍ତ୍ତରେ ଉଦ୍ଧାରକାରୀ ଟିମ୍ କୁ ନୂଆ ନୂଆ ଚ୍ୟାଲେଞ୍ଜର ସାମ୍ନା କରିବାକୁ ପଡୁଥିଲା । ଏପରିକି ରାହୁଲ ସହ ଗାତ ଭିତରେ ଗୋଟିଏ ବିଷଧର ସାପ ଏବଂ ବେଙ୍ଗ ମଧ୍ୟ ଥିଲେ । ତଥାପି ରାହୁଲର ମନୋବଳ ଓ ସାହସକୁ ସମସ୍ତେ ସଲାମ କରୁଛନ୍ତି । ତାକୁ ଉଦ୍ଧାର କରାଗଲା ସତ କିନ୍ତୁ ଯଦି ସେ ନିଜେ ମନରୁ ହାରି ଯାଇଥାନ୍ତା ତେବେ ହୁଏତ ଏହା ସମ୍ଭବ ହୋଇ ନଥାନ୍ତା ।
ଦିବ୍ୟାଙ୍ଗ ବାଳକ ରାହୁଲ ଆଜି ସାରା ଦୁନିଆକୁ ଧୈର୍ଯ୍ୟ, ସାହସ ଓ ମନୋବଳ ଶିକ୍ଷା ଦେଇଛି । ପରିବାର, ଗ୍ରାମବାସୀ ଓ ସାରା ଦେଶବାସୀଙ୍କ ପ୍ରାର୍ଥନା ଶୁଣିଲେ ଭଗବାନ । ରାହୁଲର ଫେରିବା ଖୁସିକୁ ଏହିପରି ନିଆରା ଢଙ୍ଗରେ ପାଳିଲେ ଗ୍ରାମବାସୀ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।
