ନମସ୍କାର ବନ୍ଧୁଗଣ ତେବେ ଆଜି ଆପଣ ମାନଂକୁ ଏପରି ଏକ ଖବର ବିଷୟରେ କହିବାକୁ ଯାଉଛୁ ଯାହା ବିଷୟରେ ଆପଣ ମାନେ ଆଗରୁ କେବେ ଶୁଣି ନଥିବେ । ଏପରି ଏକ ଆଶ୍ଚର୍ଯ୍ୟଜନକ ଘଟଣା ବର୍ତ୍ତମାନ ସମୟରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଗୋଟିଏ ଗାଁରେ ଏପରି ଏକ ଭୟ ଦେଖା ଯାଇଛି ଯାହାଦ୍ଵାରା ଲୋକମାନେ ଘରୁ ବାହାରିବାକୁ ଭୟ କରୁଛନ୍ତି ।
ତେବେ ଏପରି ଏକ ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିଛି ପୁରୀ ଜିଲ୍ଲା ପିପିଲି ଅଞ୍ଚଳରେ ।
ବନ୍ୟା ଛାଡି ଯିବା ପରେ ଗାଆଁରେ ଏପରି ଏକ ପରିସ୍ଥିତି ସୃଷ୍ଟି ହୋଇଛି । ଯାହାଦ୍ଵାରା ଲୋକମାନେ ଅତ୍ୟନ୍ତ ଭୟଭୀତ ହୋଇ ଯାଇଛନ୍ତି । ଆଉ ତାପରେ ଘରୁ ବାହାରକୁ ବାହାରିବା ପାଇଁ ମଧ୍ୟ ଭୟ କରୁଛନ୍ତି । ତେବେ ଏପରି ଘଟଣା ପ୍ରାୟତଃ ପ୍ରଥମ ଥର ଘଟିଛି । ତେବେ ସୂଚନାଯୋଗ୍ୟ ଯେ ପିପିଲି ବ୍ଲକ୍ ଚନ୍ଦ୍ରାଦେଇପୁର ପଞ୍ଚାୟତ ବ୍ରାହ୍ମଣସାହିରେ ଗତ ଦୁଇମାସ ହେବ ବିଷାକ୍ତ ପିମ୍ପୁଡ଼ି ଆତଙ୍କ ଦେଖାଦେଇଛି ।
ସ୍ଥାନୀୟ କେନାଲ ବନ୍ଧ ନିକଟରୁ ଗାଁ’ ଆଡ଼କୁ ମାଡ଼ି ଆସୁଛନ୍ତି ଲକ୍ଷ ଲକ୍ଷ ସଂଖ୍ୟାରେ ବିଷାକ୍ତ ପିମ୍ପୁଡ଼ି । ଗାଁ’ ସାରା ନାଲି ରଙ୍ଗର ପିମ୍ପୁଡ଼ି ଛାଇଯିବା ସହ ଗ୍ରାମବାସୀଙ୍କ ଚିନ୍ତା ବଢ଼ାଇ ଦେଇଛନ୍ତି । ଏହି ପିମ୍ପୁଡ଼ି ଆକ୍ରମଣରେ ଅତିଷ୍ଠ ହୋଇ କୁମୁଦ ଦାଶଙ୍କ ପରିବାର ଗାଁ ଛାଡ଼ିଛନ୍ତି ବୋଲି ଅଭିଯୋଗ ହୋଇଛି । ତେବେ ଏହି ପିମ୍ପୁଡ଼ିମାନଙ୍କର ଉତ୍ପାତ ଯୋଗୁ ସେମାନେ ବି ଗାଁ ଛାଡ଼ିବେ ବୋଲି କେତେକ ଗ୍ରାମବାସୀ କହିଛନ୍ତି ।
ଏ ସମ୍ପର୍କରେ ଚନ୍ଦ୍ରାଦେଇପୁର ପଞ୍ଚାୟତ ସରପଞ୍ଚ ପିପିଲି ବିଡିଓଙ୍କୁ ଜଣାଇ ପ୍ରତିକାର ପାଇଁ ଅନୁରୋଧ କରିଛନ୍ତି । ତେବେ ଲକ୍ଷ ଲକ୍ଷ ସଂଖ୍ୟାରେ ପିମ୍ପୁଡ଼ି ଗାଁ ଆଡ଼କୁ ମାଡ଼ି ଆସିବା ସହ ଲୋକଙ୍କ ଶରୀରରେ ଚଢ଼ିଯାଉଛନ୍ତି । ଫଳରେ ଲୋକଙ୍କ ଶରୀର କୁଣ୍ତାଇ ହେବା ସହ ଘା’ ହୋଇଯାଉଛି । ଏହି ପିମ୍ପୁଡ଼ି ସଂସ୍ପର୍ଶରେ ଆସିଥିବା ଗ୍ରାମର କେତେକ ଲୋକଙ୍କ ଗୋଡ଼ରେ ଘା’ ହୋଇଯାଇଥିବା ଦେଖିବାକୁ ମିଳିଛି ।
ଏପରିକି ଗ୍ରାମର କେତେକ ଘରର କାନ୍ଥରେ ଏହି ପିମ୍ପୁଡ଼ି ବସା କରିସାରିଲେଣି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଏହି ପିମ୍ପୁଡ଼ି ଝଟିପିଟି, ବିଛା, ସାପ, ବେଙ୍ଗ ଆଦି ଜନ୍ତୁଙ୍କୁ ସଂଘବଦ୍ଧ ଆକ୍ରମଣ କରୁଛନ୍ତି । ବିଲେଇ, କୁକୁର ମଧ୍ୟ ଏମାନଙ୍କର ଆକ୍ରମଣରୁ ବର୍ତ୍ତି ପାରୁନାହାନ୍ତି । ତେଣୁ ତୁରନ୍ତ ପ୍ରତିକାର ବ୍ୟବସ୍ଥା ପାଇଁ ଗ୍ରାମବାସୀ ପ୍ରଶାସନକୁ ଅନୁରୋଧ କରିଛନ୍ତି । ତେବେ ଗାଁ ଲୋକଙ୍କ କହିବା ଅନୁସାରେ, ୮ରୁ ୯ ମାସ ହେଲା ଗାଁରେ ପିମ୍ପୁଡି ଦେଖାଦେଇଥିଲା ।
ହେଲେ ଦୁଇ ମାସ ହେବ ଅଧିକ ପିମ୍ପୁଡି ହେଉଛନ୍ତି । ଘରେ ବାହାରେ ସବୁଆଡେ ମାଳ ମାଳ ହୋଇ ବୁଲୁଥିବା ଏହି ପିମ୍ପୁଡ଼ି ମାନଙ୍କ ସଂଖ୍ୟା ବନ୍ୟା ପରେ ଅହେତୁକ ବଢ଼ିଯାଇଛି । ଲୋକମାନେ ନାହିଁ ନ ଥିବା ସମସ୍ୟା ଭୋଗୁଛନ୍ତି । ପିମ୍ପୁଡ଼ି ଗୁଡିକ ହାତଗୋଡ ଓ ଦେହରେ ଚଢିବା ପରେ କୁଣ୍ଡାଇ ହୋଇ ଘା’ ହୋଇଯାଉଛି । ”
ଯାହାଫଳରେ ଛୋଟ ପିଲାଙ୍କୁ ନେଇ ଭୟ ଆତଙ୍କରେ ଦିନ କାଟୁଛନ୍ତି ଗ୍ରାମବାସୀ । ତେଣୁ ଏହାର କିଛି ପ୍ରତିକାର କରିବା ପାଇଁ ଲୋକେ ପ୍ରଶାସନ ନିକଟରେ ଅନୁରୋଧ କରିଛନ୍ତି । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।
