ନମସ୍କାର ବନ୍ଧୁଗଣ ତେବେ ଆପଣ ମାନେ ଜାଣିଥିବେ କି କୁହାଯାଏ କି ଡାକ୍ତର ଙ୍କୁ ସାକ୍ଷାତ ଭଗବାନ ଙ୍କ ଅବତାର ବୋଲି ବିବେଚନା କରାଯାଏ । ମାନବ ସେବା ହିଁ ମାଧବ ସେବା ଏହା ଯେମିତି ତାଙ୍କ ପାଇଁ ହୃଦୟର ଆହ୍ୱାନ । ତେବେ କିନ୍ତୁ ଯେତେବେଳେ ସେହି ଡାକ୍ତର ନିଜ ରୋଗୀଙ୍କ ସହ ଭଲ ବ୍ୟବହାର ନ କରି ଖରାପ ବ୍ୟବହାର କରିବା ସହ ତାଙ୍କୁ ମାରପିଟ କରେ ସେତେବେଳେ ସେହି ଡାକ୍ତର ଯିଏ ଭଗବାନ ସଦୃଶ ଥିଲେ ସେ ଅସୁର ହୋଇ ପଡ଼ିଥାନ୍ତି ।
ତେବେ ବର୍ତ୍ତମାନ ର ବଡ଼ ଖବର ଯେ ଡାକ୍ତର ଖାନାରେ ରୋଗୀ-ଡାକ୍ତର ପିଟାପିଟି । ଗୋଇଠା, ମୁଥ ଠେଙ୍ଗାରେ କଥାବାର୍ତ୍ତା । କେତେବେଳେ କିଏ କାହାକୁ ମୁଥ, ଗୋଇଠା ମାରିଲାଣି ତ ଆଉ କେତେବେଳେ ବାଡି ଧରି ଆକ୍ରମଣ କଲାଣି । ଯାହାର ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । କଳାହାଣ୍ଡି ଜିଲ୍ଲା ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ।
ଚିକତ୍ସା ପାଇଁ ଆସିଥିବା ରୋଗୀଙ୍କୁ ଡାକ୍ତର କୌଣସି କାରଣବଶତଃ ଆକ୍ରମଣ କରିଥିବା ଜଣା ପଡ଼ିଛି । ତେବେ ସୂଚନା ଅନୁସାରେ ମୁକେଶ ନାଏକଙ୍କ ପେଟ ଯନ୍ତ୍ରଣା ହେବାରୁ ସେ ଧର୍ମଗଡ଼ ଉପଖଣ୍ଡ ଚିକିତ୍ସାଳୟକୁ ଆସିଥିଲେ । ହେଲେ ଡାକ୍ତର ଡ୍ୟୁଟିରେ ନଥିବା ଯୋଗୁ ଡାକ୍ତର କୁଆଡ଼େ ଗଲେ ବୋଲି ସେ ପଚରାଉଚରା କରିଥିଲେ । ପରେ ମୁକେଶ ମେଡ଼ିସିନ ଖାଇ ଡାକ୍ତରଖାନାରେ ବସି ରହିଥିଲେ ।
ଏହି ସମୟରେ ହଠାତ୍ ଡାକ୍ତର ଶୈଳେଶ କୁମାର ଦୋରା ପହଞ୍ଚି କାହିଁକି ଚିତ୍କାର କରୁଛ ବୋଲି ପଚାରିବା ସହ ମୁକେଶଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ତେବେ ଘଟଣାକୁ ନେଇ ମୁକେଶ ନାଏକଙ୍କ ପରିବାର ଏବଂ ପଡାଵାସୀଙ୍କ ପକ୍ଷରୁ ଡାକ୍ତରଖାନା ସମ୍ମୁଖରେ ଏନ ଏଚ ୧୩୦ସି କୁ ଅବରୋଧ କରାଯାଇଛି ।
ଡାକ୍ତର ଶୈଳେଶ କୁମାର ଦୋରାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ଲୋକମାନେ ଦାବି କରିଛନ୍ତି । ଘଟଣାସ୍ଥଳରେ ଧର୍ମଗଡ ଡିଏସ୍ପି ପହଞ୍ଚି ଲୋକମାନଙ୍କୁ ବୁଝାସୁଝା କରିଛନ୍ତି । ତେବେ ଯେଉଁ ଡାକ୍ତର ମାନେ ରୋଗୀଙ୍କୁ ବଞ୍ଚାଇବା କଥା ସେମାନଙ୍କ ର ଯତ୍ନ ନେବା ଆବଶ୍ୟକ ଯାହାକୁ ଲୋକମାନେ ଭଗବାନ ବୋଲି ମାନନ୍ତି ଯଦି ସେ ଏହି ଭଳି କାର୍ଯ୍ୟ କରିବ ତେବେ ଏହି ସମାଜର ଆଉ କଣ ହୋଇ ପାରିବ । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।
