ସାଉଥ ସୁପରଷ୍ଟାର ଅଲୁ ଅର୍ଜୁନଙ୍କ ଫିଲ୍ମ ପୁଷ୍ପାରାଜର ଟ୍ରେଲର ରିଲିଜ ହେବା ଦିନ ଠାରୁ ହିଁ ପୁରା ଭାରତରେ ଏକ ଭିନ୍ନ ପ୍ରକାରର କ୍ରେଜ ଦେଖିବାକୁ ମିଳୁଥିଲା । ସମସ୍ତେ ତାଙ୍କର ଷ୍ଟାଇଲକୁ କପି କରି ଭିଡିଓ ଓ ରୀଲ୍ସ କରୁଥିଲେ । ଏହା ପରେ ଧୀରେ ଧୀରେ ତାଙ୍କର ଗୋଟିଏ ପରେ ଗୋଟିଏ ଗୀତ ଓ ଶେଷରେ ଯେତେବେଳେ ଫିଲ୍ମ ରିଲିଜ ହେଲା ତେବେ ତାଙ୍କର ଫିଲ୍ମ ପୁଷ୍ପାରାଜ ଲୋକମାନଙ୍କ ମୁଣ୍ଡରେ ଚଢିଗଲା ।
ଲୋକମାନେ ଫିଲ୍ମରେ ଅଭିନେତା ଅଲୁ ଅର୍ଜୁନ ଓ ଅଭିନେତ୍ରୀ ରଶ୍ମିକା ମନ୍ଦନାଙ୍କ ଷ୍ଟାଇଲକୁ କପି କରି ତାଙ୍କର ଗୀତାରେ ନାଚି ଭିଡିଓ ଶେୟାର କରିବା ଆରମ୍ଭ କରିଦେଲେ । ଯାହାକୁ ସମସ୍ତେ ପସନ୍ଦ ବି କରୁଥିଲେ । କିନ୍ତୁ ବର୍ତ୍ତମାନ ଗୋଟିଏ କୁନି ପିଲାର ଭିଡିଓ ଭାଇରାଲ ହେଉଛି ।
ଯେଉଁଥିରେ ସେ ଅଲୁ ଅର୍ଜୁନର ଶ୍ରୀବଳି ଗୀତରେ ଡାନ୍ସ କରୁଥିବାର ନଜର ଆସୁଛି । ସବୁଠୁ ବଡ କଥା ଏହା ଅଟେ କି କୁନି ପିଲାଟି ହଗିସ ପିନ୍ଧିଛି ତଥାପି ସେ ଅଲୁ ଅର୍ଜୁନ ଭଳି ଗୋଡ ରଗଡି ରଗଡି ନାଚିବା ଆରମ୍ଭ କରି ଦେଇଛି । ଅଲୁ ଅର୍ଜୁନଙ୍କ ଫିଲ୍ମ ଚାରିଆଡେ ବର୍ତ୍ତମାନ ଧମାଲ କରିବାରେ ଲାଗିଛି । ଯେତେ ପୁରୁଣା ହେଲେ ବି ବର୍ତ୍ତମାନ ବି ସମସ୍ତେ ପୁଷ୍ପା ଫିଲ୍ମ ଓ ତାର ଗୀତକୁ ପସନ୍ଦ କରୁଛନ୍ତି । ଛୋଟ ପିଲା ଠାରୁ ଆରମ୍ଭ କରି ବୁଢା ପର୍ଯ୍ୟନ୍ତ ସମସ୍ତେ ଏହି ଗୀତରେ ନାଚୁଛନ୍ତି ।
ବର୍ତ୍ତମାନ ଗୋଟିଏ ଛୋଟ ପିଲାର ଭିଡିଓ ଭାଇରାଲ ହେଉଛି । ଟିଭିରେ ପୁଷ୍ପା ଫିଲ୍ମର ଶ୍ରୀବଳି ଗୀତ ବାଜୁଛି ଓ ତଳେ ଏହି କୁନି ପିଲାଟି ଗୀତର ତାଳେ ତାଳେ ହଗିସ ପିନ୍ଧି ଟିଭି ଆଗରେ ପୁରା ଗୋଡ ରଗଡି ରଗଡି ନାଚୁଛି । ସେ ପୁରା ଅଲୁ ଅର୍ଜୁନଙ୍କ ଭଳି ଗୋଟିଏ କାନ୍ଧକୁ ଉପରକୁ ଟେକି ଗୋଡକୁ ଘଷି ଘଷି ନାଚୁଛି । କୁହାଯାଉଛି ଏହି ଭିଡିଓଟି ଆନ୍ଧ୍ରପ୍ରଦେଶର । କିନ୍ତୁ ବର୍ତ୍ତମାନ ଏହି ଭିଡିଓ ମୋବାଇଲରୁ ମୋବାଇଲକୁ ଘୁରି ବୁଲୁଛି ।
ଲକ୍ଷ ଲକ୍ଷ ଲୋକମାନେ ଏହି ଭିଡିଓକୁ ଦେଖିବା ଶେୟାର କରିବା ସହ ଭଲ ଭଲ କମେଣ୍ଟ ବି କରୁଛନ୍ତି । ଏହା ପୂର୍ବରୁ କ୍ରିକେଟ ଜଗତର ଆନ୍ତର୍ଜାତିକ ଖେଳାଳିମାନେ ଓ ବିଦେଶର କିଛି ଲୋକମାନେ ବି ଏହି ଟ୍ରେଣ୍ଡରେ ସାମିଲ ହୋଇଥିଲେ । କିନ୍ତୁ ଛୋଟ ପିଲାର ଏହି ଡାନ୍ସ ଆଗରେ ଅନ୍ୟ ସମସ୍ତଙ୍କ ଡାନ୍ସ ଫିକା ପଡି ଯାଇଛି ।
