ସାପ ଦେଖିଲେ ବଡ ବଡ ବାହାଦୁର ବ୍ୟକ୍ତି ମଧ୍ୟ ଭୟ କରନ୍ତି । ସାମ୍ନାକୁ ଯଦି ଅଜଗର ସାପ ଆସିଯାଏ ତେବେ କାହାର ବି ବତୀ ଗୁଲ୍ ହୋଇଯିବ । ହେଲେ ଏବେ ଇଣ୍ଟରନେଟରେ ଭାଇରାଲ ହେଉଥିବା ଏକ ସାପର ଭିଡିଓ ଦେଖି ଲୋକଙ୍କ ଆଖି ବଡ ହୋଇଯାଉଛି । ଏହି ଭିଡିଓରେ ଏକ ବିରାଟକାୟ ଅଜଗର ସାପ ସହ କୁନି ପିଲାଟିକୁ ଖେଳୁଥିବାର ଦେଖିବାକୁ ମିଳୁଛି । ଭିଡିଓରେ ଆପଣ ଦେଖିପାରିବେ କି, ଏକ ବିଶାଳ ଅଜଗର ସାପ ମାଟିରେ ସାଲୁବାଲୁ ହେଉଛି ।
ଅଧିକ ଜାଣିବା ପାଇଁ ଦେଖନ୍ତୁ ଭିଡିଓ-
ଆଉ ତା’ ଉପରେ ଗୋଟେ କୁନି ଛୁଆଟିଏ ବସିଛି ଆଉ ସାପକୁ କୁଣ୍ଢାଇବାକୁ ଚେଷ୍ଟା କରିବାକୁ । ହେଲେ ସାପଟି ଧୀରେ ଧୀରେ ଆଗକୁ ବଢିବାରେ ଲାଗିଛି । ଏତିକି ବେଳେ ପିଲାଟି ଦୌଡି ଯାଇ ସାପର ମୁଣ୍ଡକୁ ଧରି ପକାଇ ତାକୁ ଆକଟ କରୁଛି । ଆଉ ଗେଲ ମଧ୍ୟ କରି ଦେଉଛି । ସାପଟି ବି ପିଲାଟିକୁ କିଛି କରୁନି । ସତେ ଯେମିତି ପିଲାଟି ସହ ଖେଳିବାକୁ ତାକୁ ବି ଭଲ ଲାଗୁଛି । ଭିଡିଓଟିକୁ ଚାରି ମିଲିୟନରୁ ଅଧିକ ଲୋକ ଦେଖି ସାରିଲେଣି ।
ଏହି ଭିଡିଓରେ ଜଣେ ୟୁଜର୍ସ କମେଣ୍ଟ କରିଛନ୍ତି, ଏତେ ବାହାଦୁର ଛୁଆ କାହାର ? ଆଉ ଜଣେ ୟୁଜର୍ସ ଲେଖିଛନ୍ତି, ଏ ଦୃଶ୍ୟ ଦେଖି ଲାଗୁଛି ଆମେ ଇଂରେଜଙ୍କ ଠାରୁ ଆଜାଦ୍ ହୋଇନୁ ବରଂ ଇଂରେଜ ଆମ ଠାରୁ ଆଜାଦ୍ ହୋଇ ପଳେଇଛନ୍ତି । ସେହିଭଳି ଆଉ ଜଣେ ୟୁଜର୍ସ ଲେଖିଛନ୍ତି, ଆନାକୋଣ୍ଡା ବି ପୋଷା ମାନେ ! ଏହା ମୁଁ ଆଜି ଜାଣିଲି ! ତେବେ ଏହି ଦୃଶ୍ୟ ଦେଖି ଆପଣଙ୍କ ପ୍ରତିକ୍ରିୟା ଆମକୁ କମେଣ୍ଟ କରି ଜଣାନ୍ତୁ ।
