ବ୍ୟାଗ ଭର୍ତ୍ତି ଟଙ୍କା ଦେଖି ମଧ୍ୟ ବ୍ୟାଗକୁ ଫେରାଇ ଦେଲେ… ହଁ ଆଜ୍ଞା ଯେଉଁ ଟଙ୍କା ତାଙ୍କର ନୁହେଁ, ସେହି ଟଙ୍କାକୁ ସେ କିପରି ଭାବେ ରଖିପାରିବେ ବୋଲି ଏମିତି କିଛି କହିଛନ୍ତି ଟଙ୍କା ବ୍ୟାଗ ପାଇଥିବା ଯୁବକ । ତେବେ ଯୁବକ ଜଣଙ୍କର ନାମ ହେଉଛି ସୂରଜ କୁମାର । ତାଙ୍କର ଘର ହେଉଛି ଗଞ୍ଜାମ ଖଲ୍ଲିକୋଟ ମଥୁରା ଗ୍ରାମ । ସୂଚନା ମୁତାବିକ ସୂରଜଙ୍କର ଏକ ଫର୍ଣ୍ଣିଚର ଦୋକାନ ରହିଛି । ତେବେ ବୁଧବାର ଦିନ ଅପରାହ୍ନ ସମୟରେ ସେ ନିଜ ଦୋକାନରୁ ଘରକୁ ଯାଉଥିବା ସମୟରେ ପେଟ୍ରୋଲ ପମ୍ପ ନିକଟରେ ଏକ ବ୍ୟାଗ ପଡିଥିବାର ସେ ଦେଖିବାକୁ ପାଇଥିଲେ ।
ତାପରେ ସୂରଜ ସେ ବ୍ୟାଗକୁ ଖୋଲି ଦେଖିବା ବେଳକୁ ସେଥିରେ 1 ଲକ୍ଷ ଭଳି ଟଙ୍କା ବ୍ୟାଗରେ ଭର୍ତ୍ତି ହୋଇ ରହିଥିଲା । ଯାହାକୁ ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ ସତ । ହେଲେ ବ୍ୟାଗରେ ଥିବା ଏତେ ଟଙ୍କା ପ୍ରତି ସୂରଜଙ୍କ ମନରେ ଟିକେ ମଧ୍ୟ ଲୋଭ ନଥିଲା । କାରଣ ଯେଉଁ ଟଙ୍କା ତାଙ୍କର ନୁହେଁ । ସେ କଣ ପାଇଁ ଅବା ସେହି ଟଙ୍କା ପ୍ରତି ଲୋଭ କରିବେ । ତେବେ ସୂରଜଙ୍କ କହିବା ଅନୁସାରେ ସେ ଯେତେବେଳେ ସେ ବ୍ୟାଗକୁ ଚେକ କରିଥିଲେ ।
ସେଥିରୀ କିଛି ଜରୁରୀ କାଗଜପତ୍ର ସହ ଏତେ ଗୁଡିଏ ଟଙ୍କା ପଶି ରହିଥିବାର ସେ ଦେଖିବାକୁ ପାଇଥିଲେ । ତାପରେ ସଙ୍ଗେ ସଙ୍ଗେ ସୂରଜ ପୋଲିସ ପାଖକୁ ଫୋନ କରି ଏ ସବୁ ବିଷୟରେ ଜଣାଇଥିଲେ । ତାପରେ ପୋଲିସଙ୍କୁ ଏ ସବୁ ବିଷୟରେ ସବୁ ଜଣାଇ ସାରିଲା ପରେ ଟଙ୍କା ଭର୍ତ୍ତି ଥିବା ବ୍ୟାଗକୁ ସୂରଜ ପୋଲିସଙ୍କୁ ହସ୍ତାନ୍ତର କରିଦେଇଥିଲେ । ତେବେ ସୂରଜ କୁମାରଙ୍କର ଏଭଳି କାର୍ଯ୍ୟ ପାଇଁ ସେ ସମସ୍ତଙ୍କ ପ୍ରଶଂଷାର ପାତ୍ର ପାଲଟି ପାରିଛନ୍ତି । ତେବେ ସୂରଜଙ୍କ ବଦଳରେ ଅନ୍ୟ ଯଦି କୌଣସି ଲୋକଙ୍କ ହାତରେ ଏହି ଟଙ୍କା ଭର୍ତ୍ତି ବ୍ୟାଗ ପଡିଯାଇଥାନ୍ତା ।
ତେବେ ହୁଏତ ସେହି ଲୋକ ଟଙ୍କାକୁ ଦେଖି ମନରେ ଲୋଭ କରିପାରିଥାନ୍ତା । ହେଲେ ସୂରଜ ଅନ୍ୟର ଟଙ୍କାକୁ ଦେଖି ସେଥିପ୍ରତି ମନରେ ଲୋଭ ନରଖି ଯାହାର ଟଙ୍କା ତାଙ୍କୁ କିପରି ଶୀଘ୍ର ତାହା ମିଳିଯାଉ । ସେଥିପ୍ରତି ବିଚାର କରି ଟଙ୍କାକୁ ପୋଲିସର ଅଧୀନ କରିଦେଇଥିଲେ । ତେବେ ଏହିଭଳି ଗୁରୁତ୍ଵପୂର୍ଣ୍ଣ ଖବରର ଅପଡେଟ ପାଇବା ଲାଗି ଆମ ସହ ଆଗକୁ ଏହିଭଳି ଯୋଡି ହୋଇ ରହିଥାନ୍ତୁ ।
