ବନ୍ଧୁଗଣ ଗତ କିଛି ସମୟ ହେବ ଏକ ଏଭଳି ଭିଡିଓ ଭାଇରାଲ ହେଉଛି ଯାହା ଦେଖିଲେ ଆପଣ ମାନେ କିଛି ସମୟ ପାଇଁ ସ୍ତବ୍ଦ ହୋଇ ରହିଯିବେ । ହସ ଖୁସିରେ ଚାଲିଥିଲା ଖୁସିର ଜୀବନ । ସୁଖରେ ସୁଖୀ ଦୁଃଖରେ ଦୁଃଖୀ ହେଉଥିଲେ ଉଭୟ । ଦୁହେଁ ଦୁହିଁଙ୍କୁ କ୍ଷଣକେ ନ ଦେଖିଲେ ବିଚଳିତ ହେଉଥିଲେ । କେମିତି ନ ହୋଇଥାନ୍ତେ ୭ ଜନ୍ମ ପାଇଁ ସାଥି ହୋଇ ରହିବା ପାଇଁ କଥା ଦେଇଥିଲେ । ଏକାଠି ହୋଇ ରହିବା ପାଇଁ ଶପଥ ନେଇଥିଲେ ।
ହେଲେ କିଏ ବ ଜାଣିଥିଲା ସେମାନଙ୍କର ଏହି ସୁଖର ଦୁନିଆରେ ମାଡି ଆସିବ ଦିନ କଳା ବାଦଲ । ଜୀବନ ମରଣ ସହ ସଂଘର୍ଷ କରୁଥିବା ସାବିତ୍ରୀ ପାଇଁ ଆଜି ସତ୍ୟବାନ ମାଗିବ ଜୀବନ ଭିକ୍ଷା । ଆଜି ଆମେ କହୁଛୁ ଅନୁଗୁଳ ତାଳଚେରର ଦମ୍ପତ୍ତି ତୁଷାର ଓ ନିରୁପମାଙ୍କ କଥା । ୩ ବର୍ଷ ହେବ ବିବାହ ବନ୍ଧନରେ ବାନ୍ଧି ହୋଇଥିବା ଏହି ଦମ୍ପତ୍ତିଙ୍କ ଜୀବନରେ ମାଡି ଆସିଛି ଦୁଃଖର କଳା ବାଦଲ ।
୨ ବର୍ଷ ହେବ ବ୍ରେନ ଷ୍ଟ୍ରୋକରେ ପୀଡିତ ହୋଇ ଜୀବନ ମରଣ ସହ ସଂଘର୍ଷ କରୁଛନ୍ତି ନିରୁପମା । ଏମିତିରେ ନିଜ ଜୀବନ ଠାରୁ ବି ଅଧିକ ଭଲ ପାଉଥିବା ନିରୁପମାଙ୍କୁ ଆଜି ବଞ୍ଚେଇବା ପାଇଁ ସ୍ଵାମୀ କରୁଛନ୍ତି ସଂଘର୍ଷ । ନିଜ ଜୀବନର ସବୁ ପୁଞ୍ଜିକୁ ନିରୁପମାଙ୍କ ଚିକିତ୍ସାରେ ଲଗେଇ ଦେଇଛନ୍ତି । ଆଉ ଏବେ ରାଜ୍ୟବାସୀଙ୍କୁ ମାଗିଛନ୍ତି ସହଯୋଗର ହାତ । ଆଜି ବି ସେହି ପୁରୁଣା ସ୍ମୃତିର କିଛି ଭିଡିଓକୁ ମୋବାଇଲରେ ନିଜ ଶଯ୍ୟା ସାଇ ପତ୍ନୀଙ୍କୁ ଦେଖାଇ ଖୁସି ଫେରାଇ ଆଣିବାକୁ ଚେଷ୍ଟା କରୁଛନ୍ତି ତୁଷାର ।
୨୦୧୭ ମସିହାରେ ତୁଷାର ଓ ନିରୁପମାଙ୍କ ମଧ୍ୟରେ ଗଢି ଉଠିଥିଲା ପ୍ରେମର ସମ୍ପର୍କ । ପରେ ଏହି ଦୁଇ ପ୍ରେମିଯୁଗଳ ନିଜ ପ୍ରେମ ସମ୍ପର୍କକୁ ନାଁ ଦେଇଥିଲେ । ୨୦୧୯ ମସିହାରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ । ତୁଷାର ଏକ ଘରୋଇ କମ୍ପାନୀରେ ଚାକିରି କରୁଥିଲେ ବେସ ହସ ଖୁସିରେ ଚାଲିଥିଲା ତାଙ୍କ ଜୀବନ । ଆଉ ୨୦୨୧ ମସିହାରେ ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ ନିରୁପମା ।
ହେଲେ ଜନ୍ମ ଦେବାର ଗୋଟିଏ ଦିନରେ ହଠାତ ବେହୋସ ହୋଇଯାଇଥିଲେ । ଏହା ପରେ ତାଙ୍କୁ ଅନୁଗୁଳ ମେଡିକାଲ ନେବା ପରେ କଟକ ବଡ ମେଡିକାଲ ନିଆଯାଇଥିଲା । ଚିକିତ୍ସାଧୀନ ଅବସ୍ଥାରେ ନିରୁପମାଙ୍କ ବ୍ରେନ ଷ୍ଟ୍ରୋକ ହୋଇଥିଲା । ଆଉ ସେହି ଦିନ ଠାରୁ ବେଡରେ ଚାଲିଛି ନିରୁପମାଙ୍କ ଚିକିତ୍ସା । ହେଲେ ଜୀବନ ମରଣ ସହ ସଂଘର୍ଷ କରୁଥିବା ନିରୁପମାଙ୍କ ପାଇଁ ଏବେ ଅର୍ଥ ସାଜିଛି ବାଧକ ।
ରାଜ୍ୟବାସୀଙ୍କ ଟିକେ ସାହାର୍ଯ୍ୟ ନିରୁପମା ଓ ତୁଷାରଙ୍କ ଜୀବନରେ ପୁଣି ଆଣି ପାରେ ସେହି ଖୁସି । ଯଦି ଆପଣ କେହି ସହାୟତା କରିବାକୁ ଚାହୁଁ ଛନ୍ତି ତା ହେଲେ ଆପଣ ୯୯୮୭୪୬୬୧୦୨ ନମ୍ବରରେ କଲ୍ କରି ଯୋଗାଯୋଗ କରିପାରିବେ ।
