ଦିତୀୟ ଥର ପୁଅ ହେଉଥିଲା ବାହା, ଘୋଷାଡ଼ି ଆଣିଲେ ବାପା… ହଁ ଆଜ୍ଞା ଦିତୀୟ ଥର ପୁଅ ବାହା ହେବା ଖବର ପାଇ ପୁଅ ପାଖରେ ସିଧା ଯାଇ ପହଞ୍ଚିଯାଇଥିଲେ ପୁଅର ବାପା । ସେପଟେ ପୁଅ ଲୁଚିକି କୋର୍ଟରେ ମ୍ୟାରେଜ କରୁଥିଲା । ଭଦ୍ରକ ବାସୁଦେବପୁର ଅଞ୍ଚଳରେ ଏଭଳି କିଛି ଦୃଶ୍ୟ ଦେଖିବାକୁ ମିଳିଛି । ତେବେ ପୁଅର ବାପାଙ୍କ କହିବା ଆଧାରରେ ମୁଁ ମୋ ନାତିକୁ ନେଇ ମେଡିକାଲକୁ ଆସିଥିଲି । ସେଠାରେ ମୁଁ ଖବର ପାଇଥିଲେ, ଯେ ମୋ ପୁଅ ଦିତୀୟ ବାହାଘର କରିବାକୁ ଯାଉଛି ।
ତାପରେ ମୁଁ ସିଧାଯାଇ ମୋ ପୁଅ ବାହା ହେଉଥିବା ସ୍ଥାନରେ ପହଞ୍ଚି ଯାଇଥିଲି । ତାପରେ ଦିତୀୟ ବାହା ହେବାକୁ ଯାଇଥିବା ପୁଅଙ୍କ ବାପା ପୁଅର କଲର ଧରି ତାଙ୍କୁ ରାସ୍ତା ମଝିରେ ଘୋଷାଡ଼ି ଘୋଷାଡ଼ି ଆଣି ଥାନାରେ ପହଞ୍ଚାଇ ଦେଇଥିଲି । ପୁଅ ସାଥିରେ ଦିତୀୟ ବିବାହ କରିବାକୁ ଯାଉଥିବା ମହିଳା ଜଣଙ୍କ ମଧ୍ୟ ରହିଥିଲେ । ସୂଚନା ମୁତାବିକ ଏରତାଳ ଗ୍ରାମର ବିଶନୁ ମୋହନ ଜେନାଙ୍କ ପୁଅ ଅଜୟ କୁମାର ଜେନା 10 ବର୍ଷ ତଳେ ବିବାହ ବନ୍ଧନରେ ବାନ୍ଧିହୋଇଥିଲେ । ତାଙ୍କର ଗୋଟିଏ ପୁଅ ମଧ୍ୟ ଅଛି ।
ହେଲେ ଅଜୟ ଏକ ଯୁବତୀଙ୍କ ସହ ଅନୈତିକ ସମ୍ପର୍କରେ ରହି ତାଙ୍କ ପ୍ରଥମ ସ୍ତ୍ରୀ କୁ ଛାଡି ସେହି ଯୁବତୀଙ୍କ ସହ ଦିତୀୟ ବିବାହ କରିବାକୁ ଯାଉଥିଲେ । ଦିନ ଧାର୍ଯ୍ୟ ଅନୁସାରେ ଅଜୟ ତାଙ୍କ ପ୍ରେମିକାକୁ ନେଇ କୋର୍ଟରେ ବାହା ହେବାକୁ ପହଞ୍ଚିଥିଲେ । ତାପରେ ଅଜୟ ଦିତୀୟ ବାହା ହେବାକୁ ଯାଉଥିବା ଖବର ପ୍ରଥମ ସ୍ତ୍ରୀ ପାଇଲା ପରେ ସେ ତାଙ୍କ ଶ୍ଵଶୁରକୁ ଏ ସବୁ ବିଷୟରେ ଜଣାଇଥିଲେ ।
ତାପରେ ବୃଦ୍ଧ ଶ୍ଵଶୁର ଜଣଙ୍କ କୋର୍ଟରେ ପହଞ୍ଚି ନିଜ ପୁଅର କଲର ଧରି ରାସ୍ତାରେ ତାଙ୍କୁ ଚଲାଇ ଚଲାଇ ଆଣି ବାସୁଦେବପୁର ଥାନାରେ ଆଣି ଦିତୀୟ ବାହା ହେବାକୁ ଯାଉଥିବା ଅଭିଯୋଗରେ ପହଞ୍ଚାଇ ଦେଇଥିଲେ । ତେବେ ନିଜ ଘରର ବୋହୁକୁ ନ୍ୟାୟ ଦେବାକୁ ଯାଇ ବୋହୁ ତଥା ଘରର ମାନ ସମ୍ମାନ ବଞ୍ଚାଇବାକୁ ଯାଇ ବୃଦ୍ଧ ଶ୍ଵଶୁର ଯେଉଁ କାମ କରି ଦେଖାଇଛନ୍ତି । ତାହା ଏକ ଉଦାହରଣ ପାଲଟିଯିବ । ଶ୍ଵଶୁର ମଧ୍ୟ ଘରର ବୋହୁକୁ ସବୁ ସମୟରେ ନିଜ ଝିଅ ଭଳି ସୁରକ୍ଷା ଦେଇପାରେ । ଖବରର ଅପଡେଟ ପାଇବା ଲାଗି ଆମ ସହ ଆଗକୁ ଏହିଭଳି ଭାବେ ଯୋଡି ହୋଇ ରହିଥାନ୍ତୁ ।
