ବନ୍ଧୁଗଣ ନମସ୍କାର, ବନ୍ଧୁଗଣ କୋରନା ଓମିକ୍ରନ ଭାରିଆଣ୍ଟ କୁ ନେଇ ସମଗ୍ର ବିଶ୍ୱ ରେ ଭୟର ବାତାବରଣ ସୃଷ୍ଟି ହୋଇଛି । ସମସ୍ତ ଦେଶ ନୂଆ ପ୍ରତିବନ୍ଧକ ଲଗାଉଛନ୍ତି । ପ୍ରାୟ ସମସ୍ତ ଦେଶ ଅନ୍ତର୍ଜାତୀୟ ବିମାନ ଉଡାଣ ସମ୍ବନ୍ଧରେ ନୂତନ ନିର୍ଦେଶନାମା ଜାରି କରିଛନ୍ତି । କିନ୍ତୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଯାହା କହିଛି ଏହା ପରିସ୍ଥିତି ଠାରୁ ଭିନ୍ନ ଅଟେ । WHO ର ବୟାନ ବର୍ତ୍ତମାନ ଆଶ୍ୱାସନାଦାୟକ ଅଟେ ।
ବିପଜ୍ଜନକ ଅଥବା ସୁପର ମାଇଲ୍ଡ ? – ଦକ୍ଷିଣ ଆଫ୍ରିକା ଓମିକ୍ରନ ରୁ ଉତ୍ପତ୍ତି କୋରନା ର ଓମିକ୍ରନ ଭାରିଆଣ୍ଟ ବିଷୟ ରେ ବୈଜ୍ଞାନିକ ମାନେ ବର୍ତ୍ତମାନ ପର୍ଯ୍ୟନ୍ତ କୌଣସି ସିଦ୍ଧାନ୍ତ ରେ ପହଞ୍ଚି ନାହାନ୍ତି । କିନ୍ତୁ ଡେଲ୍ଟା ଅପେକ୍ଷା ଅଧିକ ବିପଜ୍ଜନକ ହେବାର ସମ୍ଭାବନା ଥିବାରୁ ବିଶ୍ୱ ର ସମସ୍ତ ଦେଶ ଆତଙ୍କିତ ଅବସ୍ଥାରେ ଅଛନ୍ତି । ଓମିକ୍ରନ କୁ ପ୍ରଥମ ଚିହ୍ନଟ କରିଥିବା ଡାକ୍ତର ଙ୍କ ବ୍ୟତୀତ ଅନ୍ୟ ବିଶେଷଜ୍ଞ ମାନେ ଏହାକୁ ଏକ “ସୁପର ମାଇଲ୍ଡ” ପରିବର୍ତ୍ତନ ବୋଲି ବର୍ଣ୍ଣନା କରିଛନ୍ତି ।
ଓମିକ୍ରନ କୁ ପ୍ରଥମେ ଚିହ୍ନଟ କରିଥିବା ଡାକ୍ତର ଏହା ମଧ୍ୟ କହିଛନ୍ତି ଯେ, ଚାରି ଜଣ ରୋଗୀ ଙ୍କ ନିକଟରେ ସାମନ୍ୟ ଲକ୍ଷଣ ଦେଖାଗଲା ଏବଂ ସେମାନେ ଶୀଘ୍ର ସୁସ୍ଥ ମଧ୍ୟ ହୋଇଗଲେ । ସେମାନଙ୍କ ମଧ୍ୟରୁ କାହାର ଦେହାନ୍ତ ମଧ୍ୟ ହୋଇ ନଥିଲା । ଏହା ସହିତ WHO କହିଛି ଯେ,ଓମିକ୍ରନ ରୁ ବର୍ତ୍ତମାନ ପର୍ଯ୍ୟନ୍ତ କୌଣସି ମୃତ୍ୟୁ ଖବର ହୋଇନାହିଁ । ଏହି କାରଣରୁ କୋରନା ଭାଇରସ ବିଶେଷଜ୍ଞ ମାନେ ନିଶ୍ଚିତ ଯେ, ନୂତନ ଓମିକ୍ରନ ପ୍ରକାର ହେଉଛି ସୁପର ମାଇଲ୍ଡ ।
ଭ୍ରମଣ ପ୍ରତିବନ୍ଧକ କୁ ହଟାଇବା ଏବଂ ବ୍ୟାପକ ଭୟ ଓ ଗୁଜବ କୁ ଦୂର କରିବା ପାଇଁ WHO ଅନେକ ଦେଶକୁ ନିବେଦନ କରୁଛି । WHO କହିଛି ଯେ, ଭୟଭୀତ ହେବା ଅପେକ୍ଷା ସତର୍କତା ର ସହିତ ଆଶାବାଦୀ ରୁହନ୍ତୁ । କାରଣ ରିପୋର୍ଟ ରୁ ଜଣା ପଡ଼ିଛି ଯେ, ଏହା ଅଧିକ ମାରାତ୍ମକ ନୁହେଁ ।
ଏହା ଅଧିକ ସଂକ୍ରାମକ କି?- ଯୁକ୍ତରାଷ୍ଟ୍ର ନ୍ୟାସନାଲ ଇନଷ୍ଟିଚ୍ୟୁଟ ଅଫ ହେଲ୍ଥ ର ନିର୍ଦେଶକ ଡାକ୍ତର ଫ୍ରାଂସିସ କଲ୍ଇନ୍ସ କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ କୌଣସି ତଥ୍ୟ ନାହିଁ ଯାହା ସୂଚାଇ ଦେଉଛି ଯେ, ପୂର୍ବ କୋଭିଡ-୧୯ ଭାରିଆଣ୍ଟ ଅପେକ୍ଷା ନୂତନ ଭାରିଆଣ୍ଟ ଅଧିକ ବିପଜ୍ଜନକ । କିନ୍ତୁ ମୁଁ ଭାବୁଛି ଏହା ଅଧିକ ସଂକ୍ରାମକ ଅଟେ । ଅନ୍ୟ ପକ୍ଷରେ ଭାରିଆଣ୍ଟ ରେ ୩୦ ରୁ ଅଧିକ ମ୍ୟୁଟେସନ ଅଛି । ଡେ଼ଲ୍ଟା ଭାରିଆଣ୍ଟ ର ଦୁଇ ଗୁଣ ଯାହା ଏହାକୁ ଅଧିକ ସଂକ୍ରମିତ କରିଥାଏ । ବିଶେଷଜ୍ଞ ମାନେ ଏହା ବିଷୟ ରେ ଅଧିକ ଗଣେଷଣା ର ଆବଶ୍ୟକ ବୋଲି କୁହନ୍ତି । ସେମାନଙ୍କ ଅନୁସାରେ ଏକ ସ୍ପଷ୍ଟ ଚିତ୍ର ବାହାରିବା ପାଇଁ ଏହା ଅନେକ ସପ୍ତାହ ନେଇପାରେ ।
