ବନ୍ଧୁଗଣ, ଖରା ଛୁଟି କୁ ନେଇ ବଢିଲା ଦ୍ଵନ୍ଦ ଖରା ଯେଉଁଭଳି ଭାବରେ ବଢିଲାଣି ଛୁଟି ସେହିଭଳି ଭାବରେ ବଢିବ ବୋଲି ଆଶଙ୍କା ସୃଷ୍ଟି ହୋଇଛି । ମେ ମାସର ତାତି ସହିତ ଛୋଟ ପିଲା ମାନେ ସ୍କୁଲ କୁ ଯାଇ ପାରିବେ ଏ କଥା ଚିନ୍ତା କରି ହେଉ ନାହିଁ । ଏଣୁ ଗଣ ଶିକ୍ଷା ବିଭାଗ ଖରା ଛୁଟି ନିଷ୍ପତ୍ତି ବଦଳାଉ ବୋଲି ଅଭିଭାବକ ସଂଘ ଏବଂ ଶିକ୍ଷାବିତ ମାନେ ମତ ରଖିଛନ୍ତି । ଗଣଶିକ୍ଷା ମନ୍ତ୍ରୀ କହିଛନ୍ତି ଯେ ସ୍ଥିତି ଦେଖି ନିଷ୍ପତ୍ତି ନିଆଯିବ ।
ବର୍ତ୍ତମାନ ଅସମ୍ଭାଳ ତାତି ଦିନ ୧୦ ଟା ପରେ ଘରୁ ବାହାରିବା ମୁସ୍କିଲ । ସକାଳୁଆ ସ୍କୁଲ ସାରି ପିଲାମାନେ ଘରକୁ ଫେରିବା ସମୟରେ ଖରାରେ ସେମାନେ ସିଝି ଯାଉଛନ୍ତି । ଏଣୁ ଜୁନ ମାସ ଯାଏଁ ଯେ ପାଠପଢା ଚାଲିପାରିବ ତାକୁ ନେଇ ବଢିଛି ଅନିଶ୍ଚିତତା । ଏବଂ ଖରାଛୁଟି କୁ ନେଇ ମଧ୍ୟ ଏବେ ଠାରୁ ଉପୁଜିଲାଣି ଦ୍ଵନ୍ଦ । ମେ ମାସରୁ ନୂଆ ଶିକ୍ଷାବର୍ଷ ଆରମ୍ଭ କରି ସକାଳ ୬ ରୁ ୯ ପାଠପଢା ପାଇଁ ଗଣଶିକ୍ଷା ବିଭାଗ ଖସଡା ପ୍ରସ୍ତୁତ କରିଛି ।
ଏବେଠାରୁ ତାତି ଯେମିତି ଡରାଇଲାଣି ମେ ମାସରେ କେମିତି ପାଠପଢା ହେବ ତାକୁ ନେଇ ଚିନ୍ତା ବଢିଛି । ବିଭାଗୀୟ ମନ୍ତ୍ରୀ କହିଛନ୍ତି ଯେ ସକାଳ ୯ ଟା ସୁଦ୍ଧା କ୍ଳାସ ସରିଗଲେ ପିଲାମାନେ ପ୍ରାଏ ୩୦ ମିନିଟ ଭିତରେ ଘରେ ପହଞ୍ଚିଯିବେ । ଯଦି ଆଗକୁ ତାତି ଅସମ୍ଭାଳ ହୁଏ ସେତେବେଳେ ବିଚାର କରାଯିବ । ମାତ୍ର ବର୍ତ୍ତମାନ ମେ ପାଠପଢା ଏବଂ ଜୁନ ଖରାଛୁଟି ନିଷ୍ପତ୍ତି ରେ କୌଣସି ପରିବର୍ତ୍ତନ ହୋଇନାହିଁ ।
ଶିକ୍ଷାମନ୍ତ୍ରୀ ଙ୍କ କଥାକୁ ବିରୋଧ କରି ଅଭିଭାବକା ସଂଘ କହିଛନ୍ତି ଯେ ଖରାରେ ଛୋଟ ଛୋଟ ପିଲା ସ୍କୁଲ ଆସିବା ଘରକୁ ଫେରିବା ଚିନ୍ତା ଜନକ କଥା । ପାଠପଢା ସହିତ ପିଲାଙ୍କ ସ୍ୱାସ୍ଥ୍ୟ ସୁରକ୍ଷା ଦିଗରେ ମଧ୍ୟ ସରକାର ଙ୍କର ବିଚାର କରିବା କଥା । ଉପକୂଳ ଅପେକ୍ଷା ଆଭ୍ୟନ୍ତରୀଣ ଏବଂ ପଶ୍ଚିମ ଓଡିଶାରେ ଗ୍ରୀଷ୍ମ ସ୍ଥିତି ସାଂଘାତିକ ରହିଅଛି ।
ଗଣଶିକ୍ଷା ବିଭାଗ ଖାଲି ଭୁବନେଶ୍ଵର କୁ ନ ଦେଖି ସାରା ରାଜ୍ୟ ର ଗ୍ରୀଷ୍ମ ସ୍ଥିତି କୁ ଦେଖିଲେ ଆଗୁଆ ଖରାଛୁଟି କରିବା ଲାଗି ଶିକ୍ଷାବିତ ମାନେ କହିଛନ୍ତି । ତେବେ ବନ୍ଧୁଗଣ ଏହି ବିଶେଷ ବିବରଣୀ ସମ୍ବନ୍ଧରେ ଆପଣଙ୍କ ମତାମତ ଆମ୍ଭକୁ କମେଣ୍ଟ ମାଧ୍ୟମରେ ଜଣାନ୍ତୁ ।
