ବନ୍ଧୁଗଣ, କାହ୍ନୁ ତାଙ୍କ ଶେଷ ଭିଡିଓ ରେ କହିଥିଲେ ଯେ, ଏବେ ବି ମୁଁ ବଞ୍ଚିଛି କଥା ହେବାର ଅଛି ଯଦି କଥା ହେଇଜାଅ, ମରିଗଲା ପରେ ଆଉ ଖୋଜିଲେ ମଧ୍ୟ ପାଇବା ନାହିଁ । ମାତ୍ର ବିଧିର ବିଧାନ ଆଗରେ କାହ୍ନୁ ଆଜି ଏତେ ଦୂରକୁ ଚାଲି ଯାଇଛନ୍ତି ଯେ, ତାଙ୍କୁ ଖୋଜିଲେ ମଧ୍ୟ କେହି ପାଉ ନାହାଁନ୍ତି । ସେ ଚାଲିଗଲା ପରେ ବାପା ମା’ ଝୁରି ଝୁରି ଆଖିରୁ ଲୁହ ଗଡାଉଛନ୍ତି । କାହ୍ନୁ ଙ୍କ ମା’ କାନ୍ଦି କାନ୍ଦି ରାହା ଛାଡିଲା ବେଳକୁ ତାଙ୍କ ବାପା ଙ୍କର ଚେତା ଚାଲିଯାଉଛି ।
ମୃତ୍ୟୁ କେତେବେଳେ ଆସିବ ତାହା କେହି କହି ପାରିବେ ନାହିଁ । ମାତ୍ର କାହ୍ନୁ ର ମୃତ୍ୟୁ କେବଳ ତାଙ୍କ ପରିବାରକୁ ନୁହେଁ, ବରଂ ସ୍ତବ୍ଦ କରିଦେଲା ତାଙ୍କ ଗାଁ କୁ । ଖେଳୁ ଖେଳୁ ଖେଳ ପଡିଆରେ ଚାଲିଗଲା ତାର ଜୀବନ । କ୍ରିକେଟ ଖେଳାଳି ବେଶରେ ସେଦିନର ଶେଷ ଫୋଟୋ ମଧ୍ୟ କାହ୍ନୁ ଉଠାଇଥିଲେ । ଏହି ଘଟଣା ଟି ହେଉଛି ଯାଜପୁର ଜିଲ୍ଲା ବୋରୀ ବ୍ଲକ ର ୧୮ ବର୍ଷୀୟ ବାଳକ, କାହ୍ନୁ ଚରଣ ପରିଡା ।
ସେ ଛୋଟ ବେଳରୁ ଥିଲେ କ୍ରିକେଟ ପ୍ରେମୀ । ସେ ଭଲ ଖେଳୁଥିବାରୁ ତାଙ୍କୁ ଏରିଆ ସାରା ଟିମ ଭଡା ରେ ନିଅନ୍ତି, ମ୍ୟାଚ ଜିତିବା ପାଇଁ । ସେ ଭଲ ବ୍ୟାଟିଂ କରୁଥିଲା ଏବଂ ଭଲ ବୋଲିଂ ମଧ୍ୟ କରିପାରୁଥିଲା । ମାତ୍ର କିଏ ଜାଣିଥିଲା ଯେ, ଏହି କ୍ରିକେଟ ଖେଳ ହିଁ ତାର ଜୀବନ ନେଇଯିବ ? ତାହା ପୁଣି କ୍ରିକେଟ ପଡିଆରେ । ସେଦିନ ମ୍ୟାଚ ଥିଲା ଖୁବ ଉତ୍କଣ୍ଠା ପୂର୍ଣ୍ଣ । କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ତରଳିପାଳ ଗାଁ କୁ ଟି20 ଟୁର୍ନାମେଣ୍ଟ ଖେଳିବାକୁ ଯାଇଥିଲା କାହ୍ନୁ ।
ମ୍ୟାଚ ଟାଇ ହୋଇଯାଇଥିବାରୁ ସୁପର ଓଭର ଖେଳାଯାଇଥିଲା, ୪ ଓଭର ବିଶିଷ୍ଟ ଏହି ମ୍ୟାଚ ରେ ଶେଷ ଓଭର ପକାଉଥିଲା କାହ୍ନୁ । ୫ ଟି ବଲ ପକାଇ ଶେଷ ବଲରେ ବ୍ୟାଟ୍ସମ୍ୟାନ କୁ ବିଟ କରାଇଦେଇ ମ୍ୟାଚ ଜିତାଇ ଦେଇଥିଲା କାହ୍ନୁ । ଆଉ ଏହାପରେ ସାରା ପଡିଆରେ ଖେଳିଯାଇଥିଲା ଖୁସିର ସେଲିବ୍ରେସନ । ହେଲେ ମାତ୍ର ଗୋଟିଏ ମୂହୁର୍ତ୍ତ ରେ ସମସ୍ତ ଖୁସି ପରିଣତ ହୋଇଥିଲା ଦୁଖର ସାଗରରେ ।
ମ୍ୟାଚ ଜିତିବାର ଖୁସି ଏତେ ଅଧିକ ଥିଲା ଯେ ସେହି ପଡିଆରେ ହିଁ ଟଳି ପଡିଥିଲା କାହ୍ନୁ । ଅତ୍ୟଧିକ ଖୁସି ହୋଇ ନିଜର ପ୍ରାଣ ହରାଇଛନ୍ତି ବୋଲି କହିଛନ୍ତି କାହ୍ନୁ ଙ୍କ ସାଙ୍ଗମାନେ । ବନ୍ଧୁଗଣ ଏହି ଦୁଖଦପୂର୍ଣ୍ଣ ଘଟଣା ସମ୍ବନ୍ଧରେ ଆପଣ ମାନଙ୍କ ମତାମତ ଆମ୍ଭକୁ କମେଣ୍ଟ ମାଧ୍ୟାମରେ ଜଣାନ୍ତୁ ।
