ବନ୍ଧୁଗଣ ନମସ୍କାର, ବନ୍ଧୁଗଣ ଜଣେ ଭେଟେରାନ ଅଭିନେତା ଭାବରେ ସାରା ଓଡିଶାରେ ଲୋକପ୍ରିୟତା ଅର୍ଜନ କରିଥିଲେ ଅଭିନେତା ରାଇମୋହନ ପରିଡା । ୧୦ ଜୁଲାଇ ୧୯୬୩ ମସିହାରେ ଜନ୍ମଗ୍ରହଣ କରିଥିବା ଏହି ଅଭିନେତା ଜଣଙ୍କ ଯେ ଅଗଣିତ ଦର୍ଶକଙ୍କ ହୃଦୟକୁ ଛୁଇଁ ପାରିଥିଲେ । ତେବେ ଏହି ଅଭିନେତା ଜଣଙ୍କ ର ବିକଳ୍ପ କହିଲେ କେହି ନାହିଁ । ମାତ୍ର ୫୮ ବର୍ଷ ବୟସରେ ତାଙ୍କର ଏଭଳି ଭାବରେ ତାଙ୍କର ମୃତ୍ୟୁ ଘଟିବ ତାହା କେହି କେବେ ଭାବି ନଥିବେ ।
କଳାକାର ଭାବରେ ଉପଯୁକ୍ତ କଳା ପ୍ରଦର୍ଶନ କରିବାରେ ମାହିର ଥିଲେ ରାଇମୋହନ ପରିଡା । ଆଉ ଏବେ ଅଭିନେତା ଙ୍କ ପରଲୋକରେ ସିନେ ଜଗତରେ ଶୋକର ଛାୟା ଖେଳିଯାଇଛି । ଓଡିଶା ସିନେ ଜଗତରେ ନିଜର ଏକ ସ୍ବତନ୍ତ୍ର ପରିଚୟ ତିଆରି କରି ଖଳନାୟକ ଚରିତ୍ରରେ ବେଶ୍ ଆକର୍ଷଣୀୟ ଅଭିନୟ ଦେଖାଉଥିଲେ ଏହି ଅଭିନେତା ଜଣଙ୍କ । ନିଜ ଅଭିନୟ ଯାଦୁରେ ଓଡିଶାର ଘରେ ଘରେ ଏକ ସ୍ବତନ୍ତ୍ର ଛାପ ଛାଡିଛନ୍ତି ସେ ।
ଦୀର୍ଘ ୪ ଦଶନ୍ଧି ଧରି ଓଡିଆ ସିନେ ଜଗତରେ ସକ୍ରିୟ ରହିଥିବା ଏହି କଳାକାର ଦୀର୍ଘ ୩୫ ବର୍ଷ ଧରି ଅଭିନୟ ଜଗତରେ ରହି ଓଡିଶାରେ ଘରେ ଘରେ ପରିଚିତ ହୋଇ ପାରିଥିଲେ । ଏବେ ତାଙ୍କ ବିୟୋଗରେ ଓଡିଶା ସିନେ ଜଗତ ସ୍ତବ୍ଧ ହୋଇ ଯାଇଛି । ତାଙ୍କ ଭଳି ଜଣେ ରତ୍ନ ରୁପି କଳାକାର ଏବଂ ବହୁ ପ୍ରତିଭାର ଅଧିକାରୀ ଙ୍କୁ ହରାଇ ସମସ୍ତ ଅଭିନେତା ଏବଂ ଅଭିନେତ୍ରୀ ମାନେ ଭାଙ୍ଗି ପଡ଼ିଛନ୍ତି ।
ସେ ସିନା ଆଉ ଦୁନିଆ ରେ ନାହାଁନ୍ତି କିନ୍ତୁ ସିନେ ପ୍ରେମୀଙ୍କ ମନରେ ଏକ ଭିନ୍ନ ଅଭୁଲା ଚରିତ୍ରର ଫିଲ୍ମ୍ ଭାବରେ ସତେଜ ହୋଇ ରହିଛି ତାଙ୍କ ଫିଲ୍ମ୍ ସବୁ । ଏବେ ତାଙ୍କର ମୃତ୍ୟୁ ପରେ ଗୋଟିଏ ଯୁଗର ଅବସାନ ଘଟିଛି କହିଲେ ଅତ୍ୟୁକ୍ତି ହେବନାହିଁ । ତେବେ ରାଇମୋହନ ଙ୍କ ନିଧନ ରେ ସମସ୍ତ ଓଲିଉଡ ଇଣ୍ଡଷ୍ଟ୍ରୀ ଭାଙ୍ଗି ପଡିଥିବା ବେଳେ ଅଭିନେତା ହର ରଥ ମଧ୍ୟ ରାଇମୋହନ ଙ୍କ ସମ୍ବନ୍ଧରେ ନିଜର କିଛି ମନ୍ତବ୍ୟ ମିଡିଆ ସାମ୍ନା ରେ ରଖିଛନ୍ତି ।
ହର ରଥ ଙ୍କ କହିବାନୁଯାୟୀ, ରାଇମୋହନ ହେଉଛନ୍ତି ଏଭଳି ଜଣେ ବ୍ୟକ୍ତି ଯିଏ କେବେ ମୃତ୍ୟୁ ଙ୍କୁ ଡରନ୍ତି ନାହିଁ । ମିଦି ସାମ୍ନା ରେ ହର ରଥ ତାଙ୍କର ଏବଂ ରାଇମୋହନ ଙ୍କ ଭିତରେ ଏକ ସ୍ମୃତି ବାର୍ତ୍ତାଳାପ କୁ ମଧ୍ୟ ସାମ୍ନା ରେ ରଖିଛନ୍ତି । ସେ କହିଛନ୍ତି ଯେ, ଥରେ ରାଇମୋହନ ଙ୍କୁ ସେ କହିଲେ ଯେ, ‘ରାଇ ଭାଇ ଆପଣ ମରିବାକୁ ବହୁତ ସମୟ ନିଅନ୍ତି । ଏହାର ଉତ୍ତର ରେ ରାଇମୋହନ କହିଥିଲେ ରାଇମୋହନ କଣ ଗୋଟିଏ ସାମାନ୍ୟ ଗୁଳି ରେ ମରିଯିବ ।
ତାହା କେବେ ସମ୍ଭବ ନୁହେଁ । ‘ ତେବେ ଏଭଳି ଜଣେ ରାଜା ସ୍ଵଭାବ ର ବ୍ୟକ୍ତିତ୍ୱ ଙ୍କ ଏପରି ମୃତ୍ୟୁ କେହିବି କେବେ ଆଶା କରି ନଥିଲେ । ତାଙ୍କ ବଡ଼ ଝିଅ ପ୍ରେମ ବିବାହ କରିଥିଲେ । ଯେଉଁଥି ପାଇଁ ସେ ଅରାଜି ଥିଲେ । କିନ୍ତୁ ସମୟ ସହିତ ସେ ଏହାକୁ ସ୍ୱୀକାର ମଧ୍ୟ କରି ନେଇଥିଲେ । ପରେ ରାଇମୋହନ ନିଜ ସାନ ଝିଅ ଙ୍କ ବାହାଘର ପ୍ରସ୍ତୁତି ମଧ୍ୟ କରିଥିଲେ ଏବଂ ଝିଅ ବାହାଘର ପାଇଁ ଦଶ ଲକ୍ଷ ଟଙ୍କା ମଧ୍ୟ ରଖିଥିଲେ ବୋଲି କହିଥିଲେ । ଏହା ତାଙ୍କ ସ୍ୱପ୍ନ ଥିଲା ।
କିନ୍ତୁ ହଠାତ ସେ କଣ ପାଇଁ ଏଭଳି ନିଷ୍ପତ୍ତି ନେଲେ ତାହା କେହିବି ଜାଣି ନାହାନ୍ତି । ତାଙ୍କର ଏହି ନିଷ୍ପତ୍ତି ଜନ ସାଧାରଣ ଙ୍କୁ ଆଚମ୍ବିତ କରି ଦେଇଛି । ପୋଲିସ ବର୍ତ୍ତମାନ ଏହାର ସମ୍ପୂର୍ଣ୍ଣ ତଦନ୍ତ ରେ ଲାଗିଛି । ତଦନ୍ତ ପରେ ହିଁ ପ୍ରକୃତ କାରଣ କଣ ତାହା ଜଣା ପଡ଼ିବ । ତେବେ ଏହି ସମ୍ବନ୍ଧରେ ଆପଣ ମାନେ ନିଜର କଣ ମତାମତ ରଖିବେ ତାହା ଆମକୁ ନିଶ୍ଚିତ ଭାବରେ ଜଣାଇବେ ।
