ବିଧାୟିକା ପ୍ରାର୍ଥୀ ହେବେ କାର ଖାନା ଭାଉଜ ! ହଁ ଆଜ୍ଞା କାର ଖାନାର ମାଲିକାଣୀ ରୂପେ 2 ଯାଆ ବିଗତ କିଛି ଦିନ ତଳେ ବହୁତ ଚର୍ଚାରେ ରହିଥିଲେ । ଯାହାଙ୍କ ନାମ ଥିଲା ନେହା ପାଣିଗ୍ରାହୀ ଓ ରଶ୍ମିତା ଦାସ। ଏହି 2 ଯାଆ ମିଶି ପ୍ରଥମେ ଭୁବନେଶ୍ବରର ଆଇଜି ପାର୍କ ପାର୍କ ନିକଟସ୍ଥ ରାସ୍ତା କଡରେ ଏକ କାର ଖାନା ଖୋଲିଥିଲେ । ସେଠାରେ ଘରୁ ଖାଦ୍ୟ ରୋଷେଇ କରି ଆଣି ଲୋକଙ୍କୁ ସୁଲଭ ମୂଲ୍ୟରେ ଖାଇବାକୁ ଯୋଗାଇ ଦେଉଥିଲେ । ଖୁବ ଶୀଘ୍ର ମଧ୍ୟ ସେଠାରେ ତାଙ୍କର ବେପାର ଜମିବାକୁ ଲାଗିଥିଲା ।
ଲୋକମାନେ ବହୁ ଦୂରଦୂରାନ୍ତରୁ ଆସି ସେଠାରେ ଲାଇନ ଲଗାଇ ଖାଇବାକୁ ପସନ୍ଦ କରୁଥିଲେ । ଲୋକ ମାନଙ୍କୁ ଖୁଆଇବା ତାଙ୍କର ବହୁତ ପସନ୍ଦ ବୋଲି ମଧ୍ୟ କହୁଥିଲେ ନେହା ଓ ରଶ୍ମିତା । ହେଲେ ସେଠାରେ ଭିଡ ହେବା କାରଣରୁ ଟ୍ରେଡ ଲାଇସେନ୍ସ ନଥିବା ଦର୍ଶାଇ ବିଏମସୀ ତାଙ୍କୁ ସେଠାରୁ ଦୋକାନ ନକରିବା ପାଇଁ କହିଥିଲା । ତାପରେ ଆଇଜି ପାର୍କ ପାଖରେ ଥିବା କାରଖାନା ବନ୍ଦ ହୋଇଯିବା ପରେ ଦୁଇ ଯାଆ ମିଶି ମାଷ୍ଟରକ୍ଯାନ୍ଟିନରେ ଦୁଇଟି ଭେଣ୍ଡିଙ୍ଗ ଜୋନ ଭଡାରେ ନେଇ ସେଠାରେ ତାଙ୍କର କାର ଖାନା ଖାଦ୍ୟର ପସରା ମେଲାଇଥିଲେ ।
ହେଲେ ସେଠାରେ ମଧ୍ୟ ବିଭିନ୍ନ କାରଣରୁ କାରଖାନା କୁ ବନ୍ଦ କରିଦିଆଯାଇଥିଲା । ଏବେ ତାପରେ ନେହା ଓ ରଶ୍ମିତା ରାମ ମନ୍ଦିର ନିକଟରେ ଏହି କାର ଖାନା ବ୍ୟବସାୟ ଜାରୀ ରଖିଛନ୍ତି । ହେଲେ ଏହାରି ଭିତରେ ଏକ କଥା ସାମ୍ନାକୁ ଆସିଛି । ଦୁଇ ଯାଆ ଅର୍ଥାତ ନେହା ଓ ରଶ୍ମିତା ବିଜେପିରେ ସାମିଲ ହୋଇଛନ୍ତି । ତେବେ ଦୁଇ ଯାଆ ବିଜେପିରେ ସାମିଲ ହେଲା ପରେ ଏବେ ଚର୍ଚା ହେବାରେ ଲାଗିଛି । ଯେ ନେହା ପାଣିଗ୍ରାହୀଙ୍କୁ ବିଜେପି ବିଧାୟିକା ପ୍ରାର୍ଥୀ କରିବାକୁ ଯାଉଛି ।
ତେବେ ଲେଖାଶ୍ରୀ ସାମନ୍ତସିଂହାର ବିଜେପି ଛାଡି ବିଜେଡିରେ ଯୋଗ ଦେଲା ପରେ ବିଜେପିରେ ଫାଙ୍କା ପଡିଥିବା ସେହି ଶୂନ୍ୟସ୍ଥାନକୁ ଏବେ ନେହା ପାଣିଗ୍ରାହୀ ପୁରା କରିବାକୁ ଯାଉଛନ୍ତି । ତେବେ କେଉଁ ବିଧାନସଭା ଆସନରୁ ବିଧୟିକା ପ୍ରାର୍ଥୀ ଭାବେ ଦଳ ନେହାଙ୍କୁ ଟିକେଟ ଦେବ ? ନା କେବଳ ନିର୍ବାଚନ ପାଇଁ ଦଳ ପାଇଁ ନେହା ଓ ରଶ୍ମିତା ପ୍ରଚାର କରିବେ ଠ ଦେଖିବାକୁ ବର୍ତ୍ତମାନ ଅପେକ୍ଷା ରହିଲା । ଖବରର ଅପଡେଟ ପାଇଁ ଯୋଡି ହୋଇ ରହିଥାନ୍ତୁ ।
